Pola auga, ... pola vida: Enxeñería Sen Fronteiras Galicia organiza unha interesante Mesa Redonda sobre a Lei de Augas de Galicia

sábado, 26 de março de 2011

Enxeñería Sen Fronteiras Galicia organiza unha interesante Mesa Redonda sobre a Lei de Augas de Galicia - Xoves, 31 de Marzo n'A Coruña

Dentro da campaña Mes da Sustentabilidade, Enxeñería Sen Fronteiras Galicia organiza unha mesa redonda na que se abordarán, entre outras cousas, os puntos controvertidos da nova Lei de Augas de Galicia, vixente dende finais de 2010. O obxectivo é achegar á poboación en xeral e máis concretamente á universitaria o debate que está tendo lugar (tamén no seo da asociación) sobre un tema clave dende o punto de vista social e ambiental como é a xestión da auga.

Co obxectivo de poñer algo de luz, aportar o maior número de opinións e tocar moitos dos puntos de vista que se están a dar no debate, ESF Galicia conseguiu reunir para este evento a algunhas das persoas máis implicadas nese debate e tamén a algúns expertos e organizacións que poden aportar novas visións:

D. Francisco Menéndez, Presidente do Organismo Autónomo Augas de Galicia.
D. Joaquín Suárez, Dr. Enxeñeiro de Camiños, profesor na Escola Técnica Superior de Enxeñeiros de Camiños e membro do GEAMA.
D. Manoel Docampo, membro da dirección executiva do Sindicato Labrego Galego.
Dna. Montserrat Valencia, asesora xurídica da Asociación Amigos da Terra.
D. Xosé Alfredo Pereira, Presidente da Organización Galega de Comunidades de Montes Veciñais en Man Común.
Representante da empresa privada de xestión e tratamento de augas.

A cita será o xoves, 31 de marzo de 2011, ás 16:00h na Sala de Grados 1 da Escola Técnica Superior de Enxeñeiros de Camiños, Canais e Portos da Universidade da Coruña (Campus de Elviña, s/n. 15.071 – A Coruña).

Fonte: http://esfgalicia.blogspot.com/2011/03/p-margin-bottom-0.html
----------

Nenhum comentário:

Postar um comentário

Enlace cos Artigos pola Derrogación da Lei de Augas

Artigos pola Derrogación da Lei de Augas
Sitio na rede onde intentaremos publicar todos os artigos que consideren a auga como un ben fundamental para as persoas, os animais e as plantas; indispensábel para a vida e para o sostemento do planeta polo que debe considerarse, esta, pública e universal, e debe cumprir antes de nada una función social de alimento e de hixiene. E que defenda que toda normativa sobre as augas deberá prohibir que se privatice, se saque beneficio ou se especule coa mesma. [Entrar]

Enxeñería de augas residuais - wikilibro

"A auga, como motor de desenvolvemento e fonte de riqueza, constituíu un dos alicerces fundamentais para o progreso da humanidade. A ordenación e xestión dos recursos hídricos, que foi desde sempre un obxectivo prioritario para calquera sociedade, realizouse historicamente baixo directrices orientadas a satisfacer a demanda en cantidades suficientes, baixo unha perspectiva de política de oferta. O incremento da oferta de auga como ferramenta para o impulso económico, o maior nivel de contaminación, irremisiblemente asociado a un maior nivel de desenvolvemento, algunhas características naturais (secas prolongadas, inundacións) e en definitiva unha sobreexplotación dos recursos hídricos, conduciron a unha deterioración importante dos mesmos. Isto fixo necesario un cambio nas formulacións sobre política de augas, que tiveron que evolucionar desde unha simple satisfacción en cantidade das demandas, cara a unha xestión que contempla a calidade do recurso e a protección do mesmo como garantía dun abastecemento futuro e substentabilidade. A lei de augas de 1.985 e a súa modificación pola lei 46/1.999 de 13 de decembro, [REAL DECRETO LEXISLATIVO 1/2001, do 20 de xullo, polo que se aproba o texto refundido da Lei de augas. -BOE- 176, do 24-7-2001] xunto coa nova Directiva Marco europea para a política de auga supón un cambio importante nos conceptos e criterios utilizados na planificación hidrológica e introducen a calidade das augas e a protección dos recursos hídricos como puntos fundamentais para estruturar devandita planificación".

Achegamos este enlace ao wikilibro, para acceder a unha fonte de información que pode ser interesante. Non como se asumiramos o contido do libro como propio.

[Acceder ao libro]