Unha vintena de representantes das organizacións que forman parte da Plataforma Galega contra a Lei de Augas, concentráronse hoxe, 13 de abril, diante da sede da Escola Galega de Administración Pública (EGAP) en Compostela. A mobilización coincidiu cunha xornada formativa sobre a Lei de Augas e a súa inauguración a cargo do conselleiro de Medio Ambiente, Territorio e Infraestruturas, Agustín Hernández.
En declaracións aos medios de comunicación, a Secretaria Xeral do Sindicato Labrego Galego, Carme Freire, que falou en nome da Plataforma, recordou que “a Lei de Augas é unha das máis lesivas que se teñen ditaminado en contra do pobo galego, pois supón converter o noso dereito á auga nun negocio, e permitir que empresas privadas cobren por un recurso básico para a vida”. Respecto á concentración de hoxe, na inauguración da xornada sobre a Lei de Augas na EGAP, Carme Freire declarou que “sabemos que a loita pode ser longa, mais o conselleiro de Medio Ambiente e o Goberno Galego deben saber que se van atopar coa contestación social alá onde vaian defender a aplicación desta lei”.
Saúdos dende a Plataforma Galega contra a Lei de Augas
Compostela, 13 de abril de 2011
Plataforma Galega contra a Lei de Augas
nonaleideaugas@mundo-r.com
http://plataformacontraleideaugas.blogspot.com
Son membros da Plataforma Galega:
- Sindicato Labrego Galego
- Plataforma pola Defensa da Sanidade Pública
- Plataforma de Ferrol Terra en Defensa da Auga
- Organización Galega de Comunidades de Montes en Man Común
- Mocidade Nacionalista Galega
- Marcha Mundial das Mulleres
- Madia Leva
- Comunidade de Montes de Saxamonde (Redondela)
- Comunidade de Montes de Domaio
- Comunidade de Montes de Carballido
- Comunidade de Augas San Lorenzo (Domaio)
- Comunidade de Augas Palmás-Costa (Domaio)
- Colectivo Nacionalista de Marín
- Colectivo Cidadán Anacos da Cidade
- CNT Compostela
- Central Unitaria de Traballadores (CUT)
- CDR Ancares
- Asociación Veciñal de Herbogo "O Castro"
- Asociación Ecoloxista e Cultural Verbo Xido de Terra de Montes
- Asociación Cultural Almuinha
- Amarante
- Alternativa Veciñal Ames na Esquerda
- Altermundo
- Adiante (Mocidade Comunista pola Independencia de Galiza)
- A Cova da Terra
Se desexan máis información, poden falar con Carme Freire (Secretaria Xeral do Sindicato Labrego Galego), en representación da Plataforma Galega, no 619 348 426.
Documentos:
Comunicado da Plataforma Galega
-----
Nenhum comentário:
Postar um comentário